Il mund da la furmaziun supplementara svizzer sa distingua tras ina gronda diversitad che pertutga la cumpetenza, la regulaziun, las purschidas e la finanziaziun. La furmaziun supplementara s'orientescha per gronda part a l'economia da martgà. Persunas privatas èn savens las purtadras e las purschidras da furmaziuns supplementaras. La furmaziun supplementara fa en emprima lingia part da l'atgna responsabladad da l'individi e vegn purtada per gronda part da las participantas e dals participants sezs. La Confederaziun ed ils chantuns ageschan mo subsidiarmain en il sectur da la furmaziun supplementara: Entaifer la furmaziun supplementara intervegnan els en quels secturs, dals quals las finamiras ed ils effects prendids en mira na vegnissan betg cuntanschids senza regulaziun correspundenta u senza mesiras da promoziun. Ina da las incumbensas da la Confederaziun e dals chantuns èsi perquai da promover spezialmain l'activitad da furmaziun supplementara da persunas dischavantagiadas areguard la furmaziun. Purschidas da furmaziun supplementara en ils secturs migraziun ed integraziun, cumpetenzas fundamentalas, mantegniment da la capacitad da lavurar e.u.v. pon vegnir sustegnidas da la Confederaziun e dals chantuns.

Differentas leschas da la Confederaziun cuntegnan disposiziuns tar la furmaziun supplementara. Questas regulaziuns èn – sco la furmaziun supplementara en general – sa sviluppadas or da l'istorgia e sa differenzieschan tenor il grad da specificaziun ed adempleschan differentas finamiras: tranter auter: