Navigation on sistem-da-furmaziun-svizzer

Content navigation

You are here: Home / Furmaziun postobligatorica

Furmaziun postobligatorica

Stgalim secundar II

Suenter la scola obligatorica midan ils giuvenils en il stgalim secundar II ed han la schelta tranter scolaziuns da furmaziun generala (scolas da maturitad gimnasiala  e scolas medias spezialisadas) sco er scolaziuns da furmaziun professiunala (furmaziun fundamentala professiunala).

Suenter il stgalim secundar I cumenza la gronda part dals giuvenils cun ina furmaziun professiunala. Ils giuvenils termineschan il stgalim secundar II en la vegliadetgna da 18/19 onns e survegnan in certificat final correspundent. Tut en tut fan passa 90% dals giuvenils in diplom dal stgalim secundar II.

Per optimar la transiziun da la scola obligatorica al stgalim secundar II èn vegnidas prendidas differentas mesiras (accumpagnament individual, manaschament da cas tras la furmaziun professiunala e.u.v.). Per giuvenils che na chattan nagina soluziun da cuntinuaziun directa suenter la scola obligatorica, stattan a disposiziun soluziuns da cuntinuaziun sco soluziuns transitoricas.

Stgalim terziar

Al stgalim terziar porscha il sistem da furmaziun svizzer ina vasta paletta da scolaziuns e da studis che pon vegnir absolvids ad ina scola auta u en il rom da la furmaziun professiunala superiura.

Tut tenor il tip da scola auta porschan las scolas autas differents studis d'ina direcziun academica ubain studis che s'orienteschan a la pratica. Tut tenor la scola auta vegn l'admissiun concedida per regla sin basa d'in attestat da maturitad gimnasiala u sin basa d'in attestat federal da maturitad professiunala (autras admissiuns èn pussaivlas). La Svizra ha las suandantas scolas autas:

La furmaziun professiunala superiura  pussibilitescha en spezial a glieud da professiun cun ina furmaziun fundamentala professiunala terminada da spezialisar e d'approfundar las enconuschientschas spezialisadas. La furmaziun professiunala superiura porscha las suandantas scolaziuns:

  • examens professiunals federals ed examens professiunals federals superiurs

  • diploms da las scolas spezialisadas superiuras

Footer