La CDEP è responsabla per coordinar la politica da furmaziun e da cultura sin plaun naziunal. Ella s’engascha per in’auta qualitad, per l’egualitad da las schanzas, per la permeabilitad e per la mobilitad en il sistem da furmaziun svizzer.

En Svizra portan ils chantuns la responsabladad principala per ils fatgs da furmaziun e da cultura. Els coordineschan lur lavur sin champ naziunal. Per far quai furman las 26 directuras e directurs chantunals da l'educaziun publica in’autoritad: la Conferenza da las directuras e dals directurs chantunals da l’educaziun publica (CDEP). Il Principadi da Liechtenstein sa participescha a las lavurs da la CDEP.

La CDEP agescha sa basond sin ils artitgels da furmaziun da la Constituziun federala e sin il dretg interchantunal en il sectur da la furmaziun. La CDEP agescha en moda subsidiara ed ademplescha incumbensas ch’ils chantuns e las regiuns na pon betg ademplir. En dumondas da la furmaziun collavura ella cun la Confederaziun. Ella represchenta la Svizra en organisaziuns internaziunalas, uschenavant che lur activitads pertutgan la suveranitad da scola e da cultura dals chantuns.

Image caption:

Organs politics

L’organ da decisiun suprem da la CDEP è la radunanza plenara. Las fatschentas vegnan elavuradas da la suprastanza da la CDEP. 

Cumposiziun dals organs politics

Image caption:

Basa giuridica

La basa giuridica per la collavuraziun dals chantuns en il sectur da furmaziun è dapi l’onn 1970 il Concordat svizzer da scola. La lavur da la CDEP sa basa plinavant sin ulteriuras cunvegnas interchantunalas.

Collecziun dal dretg versiun tudestga  versiun franzosa  versiun taliana

Image caption:

Program d'activitads

Ina invista da las lavurs d'execuziun e da project actualas dat il program d'activitads.

vinavant

Image caption:

Actualitads

Ina collecziun da las communicaziuns actualas chattais Vus sut «Actualitads». Quai èn communicaziuns a las medias, newsletters, novas publicaziuns ed auter pli.

tudestg  franzos