EDK CDIP CDPE CDEP
EDK CDIP CDPE CDEP

Structuras chantunalas da scola

Structuras chantunalas da scola e purschida da furmaziun (2017/2018)

Las suandantas preschentaziuns sa basan sin la grafica dal sistem da furmaziun da la Svizra. Ellas mussan las structuras chantunalas da scola e la purschida da furmaziun en ils chantuns. Las preschentaziuns èn vegnidas elavuradas en collavuraziun cun ils departaments chantunals d'educaziun resp. da furmaziun.

Scola obligatorica: Da las preschentaziuns vesais Vus, co ch'èn organisads en ils chantuns il stgalim primar (incl. scolina), il stgalim secundar I (dumber da partiziuns/classas e lur designaziuns) sco er las purschidas da la pedagogia speziala. Ina descripziun recapitulativa da la scola obligatorica en Svizra (durada dals stgalims da scola) chattais Vus qua.

Sectur postobligatoric: En il sectur postobligatoric sa basan las purschidas da furmaziun per gronda part sin directivas naziunalas. I dat dentant differenzas chantunalas tar la purschida (p.ex. scolas medias professiunalas, scolas da maturitad spezialisada).

Tut las preschentaziuns vegnan messas en relaziun cun il ISCED (International Standard Classification of Education). Quai permetta da preschentar e da cumparegliar ils stgalims da furmaziun internaziunals.

Cliccai sin in chantun per chattar la pagina correspundenta.
Cliccai qua, sche Vus vulais selecziunar tut las preschentaziuns graficas en ina.

Schweiz
GLTISZZGUROWFRGRSGARAIAITGZHSHAGNWLUOWVSVDGENEBESOBLBLBSSOJU