Bainvegni sin la pagina d'internet da la CDEP
En Svizra portan ils chantuns la responsabladad principala per ils fatgs da furmaziun e da cultura. Els coordineschan lur lavur sin champ naziunal. Per far quai furman las 26 directuras e directurs chantunals da l'educaziun publica in'autoritad: la conferenza svizra da las directuras e dals directurs chantunals da l'educaziun publica (CDEP).
La collavuraziun da la CDEP sa basa sin cunvegnas interchantunalas e ch'èn giuridicamain liantas (concordats). La CDEP agescha en moda subsidiara ed ademplescha incumbensas che na pon betg vegnir surpigliadas da las regiuns u dals chantuns.
Il program d'activitad da la CDEP descriva las lavurs actualas da la conferenza.
La presidenta da la CDEP è cussegliera guvernativa Isabelle Chassot (FR)
Renviaments per duvrar la pagina rumantscha
| Vus chattais las infurmaziuns da basa en connex cun la CDEP e cun il sistem da furmaziun CH er en lingua rumantscha. Las trais ulteriuras rubricas sin questa pagina d'internet – "Aktuell", "Arbeiten" e "Dokumentation" – consultais Vus sin la pagina tudestga u franzosa. La funcziun da tschertgar funcziuna sur la pagina tudestga u franzosa. |